ضبي البقجه يـا يامـو
12.01.2016
د. أحمد محمد كنعان
ضبي البقجه يـا يامـو
راح النـوم وأحلامـو
ابنك نادت لـه شامـو
يحررهـا مـن ظُلاّمو
ضبي البقجه يـا يامـو
**
هـاتي يـللا الشبريـة
رفقــاتـي بالبريــة
نـادوا : تحيـا الحرية
ولادك أبـداً مـا هانوا
ضبي البقجه يـا يامـو
**
كسَّرنـا حيطـان الخوف
وبالمرجـة جايين نطوف
يا تاريخ اسمـاع وشوف
ميدانـك نحنـا رجالـو
ضبي البقجه يـا يامـو
**
من درعـا طلعوا "الزغار"
ينادوا : إرحل يا "بشـار"
جاوبـهم كل الأحــرار
قومـوا نكسِّـر أصنامـو
ضبي البقجـه يـا يامـو
**
اسمع يا "حزب الشيطان"
بـان المخفي والله بـان
معبودك ربَّـك إيـران
أوهامـك من أوهامـو
ضبي البقجه يـا يامـو
**
وانتو يـا أهـل "الفيتو"
مهمـا قمتوا وحطيتـوا
صاحبـكم خلًّص زيتـو
وراحت راحت أيـامـو
ضبي البقجه يـا يامـو
**
الله معنـا يـا ثــوار
نادتنـا الشــام بـآدار
نزين شَـعْرا بالأزهـار
بترخص روحي كرمالـو
ضبي البقجه يـا يامـو
**
هلّ النصر ونـورو لاح
وراح الخايـن والله راح
وغنّت بالشّـام الأفراح
وعـاد المجـد وأحلامو
افردي البقجة يـا يامـو