ـ

ـ

ـ

الأحد 02/03/2008

4 أيام في الجنة

إيمان بدوى

لو حد سألني عندي كام سنه؟

هقوله عندي 4 أيام هي عمري كله

هما ال4 ايام اللى قضيتهم فى غزة

4 ايام فى الجنة

رجعنا نقدم رجل و نأخر رجل

ونفكر فى الرجوع لغزة و هنرجع ان شاء الله

رجعنا ونحن نلتفت ورائنا لنملى اعيننا من غزة قبل ما نتركها

وكانت عيوننا كلها دموع كلنا بكينا و نحن نترك غزة

ارض الرباط والصمود و الابطال و الشهداء

يا فلسطينية فى غزة اللى زرتها

انتم الاحرار و احنا اللى محتلين

انتم الاحرار و احنا اللى محاصرين

انتم اللى عايشين و احنا اللى ميتين

فى فلسطين الرجالة رجالة بجد

والحريم حريم ماجدات بجد

والاطفال اطفال يفرحوا القلب

هناك فى غزة تشعر بالكرامة و الحرية والعزة

ومن لم يذهب لغزة فقد فاتة عمرة كله

فكل بيوت غزة كانت مفتوحة لاخوانهم المصريين من ابسط فرد

الى الوزير ..

من كان يحلم بغزة؟ و لا كنا حتى نجرؤ ان نحلم بدخولها

اهل غزة اكرمونا اشد ما يكون الكرم  ووالله ما رأينا

كرم مثل كرم اهل غزة

هما عززونا و اكرمونا  نحن المصريين عندهم فهل يكون الرد

بان نحبسهم عندنا – يوجد حوالى 1500 فلسطينى محتجزين فى العريش مع بضائعهم التى اما سرقت او فسدت

هل من يكرم اولادك يا مصر يكون هذا جزائه و رد الجميل؟

مصر كبيرة و عظيمة و حضن الامة

اولادها اللى فى غزة جاءوا فى حضنها

ليه تنكرهم ولا تقابل الاحسان لنا نحن اولادها المصريين فى غزة بالمقابل؟

مش دى اخلاقنا احنا المصريين اهل الكرم و الضيافة

ولا اقول الجميع فعل هذا فهؤلاء الاقلية ان شاء الله

والباقى هم اهل الشهامة من اهل العريش و رفح و الشيخ زويد

كان كل ما احد فى الشارع يقابلنى و يعرف انى راجعة من غزة يقولى

بالله عليكى بلغتى اهلنا فى غزة اننا معاهم بقلوبنا و دعائنا و اننا واحد و لا يمكن نتركهم وحدهم .. واننا لا نصدق الاكاذيب اللى بتتقال عنهم فى وسائل الاعلام

هى دى مصر اللى اعرفها

مصر البسطاء الشرفاء القلب و الجسد الواحد مع الامة

مصر الاصيلة .. مصر فهمى هويدى  والمسيرى  وابو تريكة

ومصر احمد و حسن و مروة  و داليا و ايمان و خالد  وضياء

و كل اللى راح غزة .. و رجع يقول كلمة الحق

فيه اخت كانت بتنتقدنى بتقول ازاى احب فلسطين اكتر من مصر؟

بقولها و للاخرين وانتى كنتى دخلتى قلبى و عرفتى؟

انا بنظر للوطن كله ككل .. يعنى

معنديش فرق بين المصرى والاندونيسى والباكستانى والمغربى

والصومالى

كلهم عندى واحد وممكن افضل اخى الفلسطينى على اخي

اللى معى فى البيت لانه كما علمنا الاسلام اعز الابناء المريض

 حتى يشفى و المسافر حتى يعود والصغير حتى يكبر..و فلسطين الان جزء منها مسافر وجزء مريض وتحتاج الى كل الدعم

فلسطين ارض الرباط فيها الاقصى فيها جرح الامة كلها

ومعها العراق و الصومال و افغانستان و كل جزء من وطننا المحتل

ولا اعترف بتقسيمات الاستعمار و سايكس بيكو

وصلت وجهه نظرى!!

انا جلست وتحدثت مع شهيد – رحمك الله ابا الصاعد

الناس هناك كلهم مشاريع شهادة

الناس فى غزة مؤدبة و محترمة و كريمة و عندهم حياء

ولهذا اطالب الحكومة المصرية بان تفتح معبر رفح المصرى الفلسطينى واذا كنا هنتكلم عن السيادة يبقى نتكلم عن سيادتنا

على حدودنا فى معبر رفح

عايزة ادخل غزة بطريقة منظمة قانونية و مختوم على جواز سفرى او البطاقة ختم مصرى و فلسطينى

كيف يعنى يكون اسهل على اروح استراليا و الا كندا

ومستحيل اروح غزة اللى على بعد 6 ساعات بالسيارة؟؟

فى اى شرع و قانون يغلق على دولة باللى فيها و يحبسوا

ونحاصرهم نحن المسلمين العرب ونتركهم يموتون جوعا و مرضا

اطالب الحكومة المصرية بفتح معبر رفح

وبفك الحصار عن غزة

وبالسماح بعودة الفلسطينيين المحتجزين فى العريش

فى نزل الشباب و غيره فى البرد القارس ومنهم الاطفال الرضع

و النساء و الشيوخ

ارفعوا الحصار عن غزة فوالله ستسألون عن ذلك يوم القيامة

وسيكون حسابكم عسير جدا و احمل الكل من الرئيس مبارك

الى اصغر عسكرى امن مركزى مسئولية دم اخواتنا

اللى بيموتوا كل يوم بغزة بسبب الحصار

حسبنا الله و نعم الوكيل

حسبنا الله و نعم الوكيل

حسبنا الله و نعم الوكيل

رحلة العودة لمصر والصور و المواقف الصعبة والطريفة

التى قابلتها فى غزة

فى رسالة قادمة لان هذه الرسالة لا تتحمل اكثر من ذلك

حسبنا الله و نعم الوكيل

 -------------------------

المشاركات المنشورة تعبر عن رأي كاتبيها

ـ

ـ

من حق الزائر الكريم أن ينقل وأن ينشر كل ما يعجبه من موقعنا . معزواً إلينا ، أو غير معزو .ـ