محمد إسماعيل حاج حسن

عشر أبيات رح قللك يا سوري

وأوصف فيه حبـّاً وغرام

عشر شهور حيا اللهُ صبرك

بإيد كفان وبإيد السلام

أول بيت حقّقِتْ نصرَك

وتْحَرَّرٍتْ من بطش النظامْ

ثاني بيت مااريد افَكْرَكْ

أصلك حرّ عالضيم ما تنامْ

ثالثْ بيت حرّيتك بصدرَك

تجابه نار عليك يا سلامْ

تهزّ الأرض بمجدك وعزّك

تخطف قلبْ أزلام اللئامْ

رابع بيت أنتَ واللي متلكْ

قتلتوا خوف شعب لا يُلامْ

يا هالسوري ؛الكرامه وُصلْتَكْ

عا جناح  شهدانا الكرامْ

خامس بيت الحريّه اوحَتْ لك

تقول الحق ع مرّ الايامْ

تصرخ في وجه اللي يخونكْ

تخسى يا ندلْ، يا قاهر الايتامْ

سادس بيت ما ودّي أذَكْرَكْ

تحكم بالعدل تنعم بالسلامْ

ما تاخد غير اللي يحِق لكْ

وهذا يكونْ من روح الاسلامْ

سابع بيت نورك بِقَبْرَكْ

انتْ لله وجهت السهامْ

أخلص نيتـّك واثأر لغدركْ

خلّي عدوك ما يعرف ينامْ

ثامن بيت لا ترْوي لي عذركْ

بإذن الله توصل للمرامْ

ويرحل كل وغدٍ عنّا وعنّكْ

ويا بشار ع حبلِ الاعدامْ

تاسع بيت يَدّي بيَدَّكْ

نثور بحقّْ ، نبدّدْ ها الظلامْ

والخاين اللي قتل شعبكْ

يا جيش الحر ؛دوسه بالاقدامْ

عاشر بيت تسلم انتَ وأهلَكْ

يا سوري يا حُرّ ، يا إبن الشآمْ